حظك اليوم مع الابراج


ابراج اليوم منيب الشيخ الثلاثاء, 3 كانون الاول 2019 عاطفياَ ومهنياً وصحياً


الحمل

برج الحمل

الحمل

تحديات كبير بالشغل وقصص صحية ..
بدي منك تنظم امورك بالشغل وتخلص الضروري منها وكمان تنتبه وتحاول تنهي الضروري وكمان صحتك لاتهملها لان في عندك عارض صحي ممكن تمر فيه ويمكن تبدا شغل جديد او تغير شغلك بهاليوم ..
عاطفيا .. كتير من الأمور بحاجة لحل بعلاقتك مع الشريك ولازم تكون حاسم بوضعك العاطفي ..
الثور

برج الثور

الثور

يوم منيح وفي حظ وعاطفة وتطورات ايجابية ..
يمكن التوتر عم يزيد وماعم يخليك مرتاح ويمكن بحاجة أشخاص حدك بس من هاليوم رح يتغير كل شي رح تحس بالحظ رجع يدعمك وراحة واستقرار بوضعك وحتى في فرص جديدة قادمة ..
عاطفيا .. فرصة اليوم لترجع حبك القديم او حتى تبدأ حب جديد الحظ بيدعمك .
الجوزاء

برج الجوزاء

الجوزاء

قصص بالبيت بتشغلك ويمكن تغييرات بالسكن ..
بتشغلك هاليوم قصة بتخص عيلتك او بيتك عم يزيدو الوضع سوء عندك وعم يخلوك مو مرتاح من الوضع .. مابدي تخاف أو تكبرها حاول تكون هادي ومو ناقصك تعب صحي وامورك رح تتغير للأفضل ..
عاطفيا .. لاتتخذ قرارات مصيرية بعلاقتك ولاتزعل على حبيب ماكان منيح معك ..
السرطان

برج السرطان

السرطان

عم تتحرك وتسافر وتطورات حلوة ..
بتحل مشكلة وقادر تقنع بهاليوم وفرصة لتتحرك لتسافر لتتلقى اتصالات كتير وتكون مميز بحضورك ودراسيا يوم مميز فلاتتردد وحاول تطور عملك وتنجح اذا بدك بدعم الناس يلي حوليك ..
عاطفيا .. لاتكبر المشاكل واليوم لتحكي الشريك وتصل لحلول مرضية الك ..
الاسد

برج الاسد

الأسد

انتبه ماليا لمصروفك وضب ايدك ويمكن تحصل على مال ..
صار لازم تلاقي حل هاليوم ممكن تحصل على مصاري وتحسن وضعك بس انتبه كمان لمصروفك الزايد ممكن تحصل هاليوم على فكرة لبداية شغل أو مشروع جديد بساعدك لتلاقي موارد غير فكون جاهز ..
عاطفيا .. انت بدك استقرار والشريك ماعم يسأل حاول تقرب وجهات النظر وتلاقي حل ..
العذراء

برج العذراء

العذراء

تحسن كبير بوضعك وخاصة المال..
عم ترجع مكانتك وتسيطر بهاليوم وكل شي كان صعب بس عم تطلع من وضعك وترجع ثقة الناس فيك عندك فرصة لتحل مشاكلك وتغير كل شي لمصلحتك وتبدا من جديد وتكون انت المسيطر على كل شي ..
عاطفيا .. خبر حلو رح تسمعو وممكن تتلقى اعتذار على موقف صار ورح تحس انو الأمور أفضل مع الشريك ..
الميزان

برج الميزان

الميزان

قصص ماعم تريحك ومدايق من الكل ..
في شي مدايقك والأمور مسكرة بوجهك ضغط كبير وتعب والناس متغيرة معك حاول تبعد عن اي شي ممكن يأذيك ولاتحاول تحسم شي وانتبه لصحتك هاليوم ولاتفوت بقصص جديدة بهاليوم كمان ..
عاطفيا .. مشكلة بتكبر مع الشريك وبتفقد الامل بالحلول وبتحس انو ماعاد في رجعة ..
العقرب

برج العقرب

العقرب

عم تشوف رفيق غالي وأجواء اجتماعية ..
كتير عزايم وجو من اللقاءات والحالة الاجتماعية المميزة رح تعيشو هاليوم رح تحس بدعم الناس الك ومساعدتها استفيد من هالشي وحاول تعزز علاقاتك مع رفقاتك وتطلب مساعدة اذا احتجت هالشي ..
عاطفيا .. العيون عليك مشرق وعم تكون محبوب وممكن صداقة تتحول لحب بس انت تجنب الأشخاص يلي بوجهين ..
القوس

برج القوس

القوس

تطورات بالشغل وانتبه من تشويه سمعة ..
بدي منك انتباه بشغلك وكون دقيق ولاتتأخر لأن يوم عم يحاول فيه بعض الناس تشويه سمعتك بالعمل فانتبه وخليك جاهز لاي موقف حتى مايأثر عليك ورتب امورك وخاصة اذا عندك امتحان او اختبار ..
عاطفيا .. انت بحاجة لحدا ينسيك حياتك ويحبك عنجد وهالشي قادم بس كون رومنسي شوي بتعاملك ..
الجدي

برج الجدي

الجدي

من الايام الحلوة ونجاحات وسفر عندك ..
عم تفكر بالسفر كتير هاليوم وعم تتلقى اتصالات من ناس بعاد او مابتعرفها لاول مرة بتحكيك وعم يكون في شغل جديد لالك فحاول تكون مستعد لهالشي وحتى وضعك العام بيتحسن بشكل كبير هاليوم ..
عاطفيا .. عم ترجع ثقتك بحالك والحبيب عم يحكيك وتعيش اوقات رومنسية معو ..
الدلو

برج الدلو

الدلو

تحسن بوضعك ومال وحلول ..
بتكون أفضل وبتشعر بشوية راحة ابحث عن حلول للمشاكل يلي صارت بدي منك تحاول تضبط ميزانيتك وماتصرف كتير وتفكر بصحتك دايما ولازم تخلص من قصص البيت لأن عم تشغلك ..
عاطفيا .. انت بحاجة للراحة والتفكير قبل ماترجع لعلاقتك لان تعبتك كتير ..
الحوت

برج الحوت

الحوت

يوم للشراكة وقصص مهنية بتوتر عندك ..
حاول تستوعب الناس بهاليوم وساير و بدي منك بهاليوم تعزز شراكاتك وبهدوء تام انتبه من المواجهات لان اي كلمة ممكن تعملك مشكلة وابتعد عن الاشخاص المستفزين وخاصة الشركاء الك ..
عاطفيا .. لا تعمل شي اليوم لأن رح ينحط اللوم عليك فحاول قدر الامكان تهدي الأمور مع الشريك وممكن البعض يتم خطبة