حظك اليوم مع الابراج


ابراج اليوم منيب الشيخ الاثنين, 4 تشرين الثاني 2019 عاطفياَ ومهنياً وصحياً


الحمل

برج الحمل

‫الحمل

يوم لشراكات مهنية وعاطفية ناطرتك ..
عم تكون هاليوم مو مرتاح وضايج ومزاجك عم يأثر عليك عم يخليك معصب ومتوتر انتبهلي لشراكتك عاطفيا او بالشغل ولا تنفعل وكون متفهم وخود برأي غيرك ولا تستفز حدا حتى لو هو يلي بدأ معك ..
عاطفيا .. ماحدا عم يفهمك ولا عم يعرف يتعامل معك كلو ضدك او انت عم تشوف هيك فاهدى ..
الثور

برج الثور

‫الثور

عندك شغل جديد ووضع صحي انتبه ..
مكركب وتراكمات كتير بالشغل وببلش عندك نهار متعب انتبهلي لصحتك ولاتخلي الشغل يتراكم عليك حتى تلحق الضروري منو وانتبه لوضعك العام وعندك موضوع صحي بدو مراجعة طبية ..
عاطفيا .. يلي بيعرفك بيعرف انو الحب مو من اول اهتمامك وبحاجة لشريك يفهم هالشي بهالوقت الصعب ..
الجوزاء

برج الجوزاء

‫الجوزاء

يوم منيح لحظوظ وعاطفة ناطرتك ..
يوم حلو ناطرك استغل هالشي وانبسط بهاليوم و رح تكون احسن بكتير من مبارح رح تلاقي كلامك مسموع ورح تصل للي بدك فترة حلوة استغلها وعيش نجاح واستغل الفرص وطور علاقاتك مع محيطك ..
عاطفيا .. الجفا يلي كان عم تحسو بينقلب اليوم حب كبير وبكون في رومنسية بالاجواء ..
السرطان

برج السرطان

‫السرطان

عندك أوضاع عائلية عم تشغلك روق وحلها ..
كتير ضغط من اىمقربين بدي منك تحاول تهدى اليوم وتحل امور عيلتك وبيتك بهدوء حتى ماتكبر اكتر وانتبه من ردة فعلك وتفهم كل الاطراف ولاتخاف رح تمر على خير بس بدك ماتنفعل وتكون متفهم ..
عاطفيا .. بدك حب يريحك وماحدا عم يقدر حاول ماتكون متطلب كتير ..
الاسد

برج الاسد

‫الأسد

عم تكون مقنع وحضورك لافت بهاليوم ..
عم يكون يومك حافل بالاتصالات والنجاحات واخبار ممكن خليك مساير بتعاملك واستغل الامور لصالحك اليوم وفيك تكون دبلملسي لتكسب الكل ويكون في تطور ايجابي بعلاقاتك وشغلك وتسافر كمان ..
عاطفيا .. تعامل بحذر بعلاقتك حتى ماتخسر شريكك وفرصة لتحسين الاجواء ولقاء او حديث طويل مع الحبيب ..
العذراء

برج العذراء

‫العذراء

أمور مالية عم تشغلك ورح تحصل على مال ..
شغل هاليوم عندك ومكاسب مالية بدك تعرف تتصرف بس مع هيك انتبه لمصروفك وامورك عم تتحسن عن قبل حاول تتفائل ورح يكون عندك نجاح بمجال شغلك يوم للصرف والدفع والقبض فخليك جاهز ..
عاطفيا .. مشرق وعم تحس بأنك افضل وعم تستقر عاطفيا شوي شوي بس خفف قلقك وتفكيرك
الميزان

برج الميزان

‫الميزان

تحسن كبير ومال واخبار حلوة ..
عم تستعيد طاقتك وقدرتك على قلب الأمور لصالحك ويوم فيك تعيد ترتيب امورك اذا بدك يوم حلو رح تستفيد منو كتير وتقلب الاوضاع بادر واستغل اليوم وافتح صفحة جديدة وغير الأمور لصالحك ..
عاطفيا .. اليوم انت مشرق واخبار حلوة رح تسعد قلبك بس خليك متفائل وبلش من جديد اذا علاقتك القديمة تاعبتك ..
العقرب

برج العقرب

‫العقرب

يوم فيه قصص بتخليك مدايق لكن مؤقتة ..
ماعم تكون مرتاح كتير بهاليوم أنت ولازم تهدي ووبتحس بالتعب من هالشي حاول تحافظ على راحتك وانتبه لصحتك ولا تتخذ قرارات مهمة حتى ماتخسر هاليوم بس وبعدا وضعك بصير افضل ..
عاطفيا .. عم تحس بالفراغ ويمكن بانك مخدوع بشخص او ماحدا عم يقدر حبك ..
القوس

برج القوس

‫القوس

يوم حلو لأجواء اجتماعية ولقاءات مع الأصدقاء ..
عم تكون بيوم حلو بين رفقاتك بهالفترة فبادر ولاتضل لحالك واستغل هيك يوم لتطلب مساعدة عندك طاقة كمان وقدرة على الاقناع ومحبة من الاصدقاء واذا بدك شي اعتمد على مساعدة رفقاتك ..
عاطفيا .. في شي عم يزعجك وانت بحاجة لاستقرار قدر الامكان ..
الجدي

برج الجدي

‫الجدي

أمور بالشغل بتشغلك وبتخليك بحاجة مساعدة ..
يمكن هاليوم في ضغوط بالشغل عليك وعم تفكر بامور كتير وبحلول لمشاكل ويمكن عندك فرصة لشغل جديد او تعامل مع ناس مهمة لكن معرض للمشاكل ولاتخالف القوانين قدر الامكان ..
عاطفيا .. في هدوء عاطفي انت بحاجة لمبادرة من الحبيب وعم تفكر بارتباط ..
الدلو

برج الدلو

‫الدلو

من الأيام الحلوة لسفر وتحسن بوضعك ..
من الأيام الحلوة للتواصل والنجاح والحركة وبتتلقى اتصالات ومشاريع مهمة وفرص حلوة وعم تفكر بالتقرب اكتر من احبابك وتنجح بالوصول للي بدك ياه وتتعامل مع ناس غريبة عنك وتتواصل بشكل جيد ..
عاطفيا .. الحب عم يدق بابك من جديد و أوقات حلوة ناطرتك بعلاقة جديدة ..
الحوت

برج الحوت

‫الحوت

وضعك بيتحسن وبترتاح وبتحل مشاكل هاليوم ..
عم ترتاح نسبيا بهاليوم وتحل مشاكل وتحصل على مال وفي شغل مشان هيك حاول تنظم يومك وتحل امورك بهاليوم ورح يكون وضعك اريح وتحسن نسبي بالاجواء وامكانية لتخلص من مشاكلك ..
عاطفيا .. بعدك مو مرتاح وعم تفكر تصالح او تحل مشكلة ومابدك تتنازل ..