حظك اليوم مع الابراج


ابراج اليوم منيب الشيخ الجمعة, 8 تشرين الثاني 2019 عاطفياَ ومهنياً وصحياً


الحمل

برج الحمل

الحمل

فرص عاطفية ومهنية جديدة واوقات حلوة ..
عم تكون طلتك مميزة وانت بيوم حلو بعد أيام صعبة بوضعك العائلي مشان هيك حاول تخلص من الضيق جواتك وفكر كيف تنبسط وتشوف ناس بتحبن ويمكن تنشغل بحدا من الأولاد بكرا ..
♡ عاطفيا : عندك تحسن كبير بعاطفتك وفرص لتطورات ايجابية بعلاقتك بالشريك ..
الثور

برج الثور

الثور

روق مابدها لان الوضع بالبيت عم يأثر على صحتك ..
حاول تستوعب أهلك ويوم بدو منك حكمة حتى يمر على أفضل حال وخاصة انو المقربين عم يزعجوك وماعم تعرف كيف تتعامل حاول تدير بالك على عيلتك وممكن في تغيير بمكان شغلك او سكنك بهاليوم ..
♡ عاطفيا : وضعك العاطفي عم يتعرض لكتير ضغط حاول تكون متفهم حتى يمر بسلام ..
الجوزاء

برج الجوزاء

الجوزاء

تطورات ايجابية بسفر وتنقلات وشغل ..
عم تقدر تتحرك باريحية اكبر ومن الأيام الجيدة يلي بتدعمك بالقدرة على الاقناع ممكن تسافر بهاليوم وتلاقي أمورك ميسرة وفي تطورات ايجابية بيومك واتصالات كتير وكمان امور بتخص موبايل او سيارة ..
♡ عاطفيا : عندك قدرة على الحلول والشريك رح يكون اقرب الك وخاصة اذا في لقاء رومنسي ..
السرطان

برج السرطان

السرطان

يوم بيحملك شغل ومال اذا ناطر هالشي ..
انا بشوفك بيوم منيح وفرصة فيه لتعيد حساباتك لتفكر اكتر كيف تغير بوضعك العام وتبدا بشغل جديد حتى ممكن تكون ناطر مال ويجيك بهاليوم وفي مصاريف زايدة مشان هيك ضب ايدك ..
♡ عاطفيا : الوضع العاطفي منيح وعم تصرف اليوم مصاري على الشريك بمشوار او عزيمة ..
الاسد

برج الاسد

الأسد

تطورات حلوة وبتكون طاقتك أفضل ..
بترتاح من بعض الضغوط وعم تلاقي حالك بوضع افضل بعد فترات صعبة مرت عليك عم تزيد طاقتك بهاليوم وعندك القدرة تغير الأمور لصالحك وتحصل على الدعم المطلوب لتنجح وتفتح صفحة جديد ..
♡ عاطفيا : عم يكون وضعك منيح وممكن تفكر بارتباط والاجواء افضل بكتير ..
العذراء

برج العذراء

العذراء

بخيب أملك ببعض الناس ويوم بدو تأجيل الضروري ..
ماعم تكون مرتاح وعم يحملك هاليوم رغبة بانو تبقى لحالك وتبعد عن كذب الناس والمعاملة السيئة يلي عم تكون بدي منك تصبر وماتكبر الأمور وانشالله بترجع الأمور افضل عندك والتعب رح يزول ..
♡ عاطفيا : لاتعطي اهتمام لاشخاص غلط ولا تضحي كتير لان دايما عم تكون مظلوم بمشاعرك ..
الميزان

برج الميزان

الميزان

يوم منيح لتلتقي رفقاتك وتقضو وقت حلو..
بدي ياك ماتضل لحالك ومن الأيام يلي بتدعمك بلقاءات حلوة باشخاص بتحبن وبتقضي وقت ممتع وبكون الك حضورك الحلو وبتعيش وقت مميز مع الأصحاب وفيك تطلب مساعدة اذا احتجت ..
♡ عاطفيا : وضعك العاطفي كتير منيح وتطورات لصالحك وشخصيتك جذابة بهاليوم ..
العقرب

برج العقرب

العقرب

قصة مهنية بتخص شغل خليك جاهز الها ..
عم تنطر هاليوم تحديات جديدة وانت بيوم مهم عندك من ناحية الشغل أو الأشخاص يلي ممكن تقابلن مشان هيك خليك مركز بشغلك ولاتفوت بمواجهات مع حدا وانشالله رح تحصل على ترقية وتطور ..
♡ عاطفيا : وضعك العاطفي بدو منك هدوء وعم تشعر بالأهمال من جانب الشريك ..
القوس

برج القوس

القوس

يوم لمعارف جديدة سفر ولقاءات حلوة ..
تفائل متل عادتك عندك يوم من أفضل الأيام عم يكون الحظ معك وعم ترتاح بيوم بساعدك لتحل مشاكل الأسبوع الأخير عندك ولتحصل على الدعم وتسافر وتلتقي ناس جديدة وتغير جو وتنبسط كمان ..
♡ عاطفيا : انت بيوم منيح وكتير من العيون عليك وجاذبيتك بتزيد بهاليوم ..
الجدي

برج الجدي

الجدي

تطورات ايجابية وحظوظ عم تساعدك ماليا ..
كتير قصص ناطرها بهاليوم وعم ترتاح من ضغوط عانيت منها الفترة الأخيرة واثرت كتير عليك وحتى في فرصة عندك لتحصل على المال وتعزز وضعك وتستفيد من مصالحات ممكن تصير ..
♡ عاطفيا : الوضع العاطفي عندك بيشهد عودة الروح والعلاقة مع الشريك واحساس بالراحة ..
الدلو

برج الدلو

الدلو

انتبه من مضايقات متوقعة وعزز شراكاتك ..
أنت بمكان جيد لتدعم شراكاتك وعم يكون يومك في فرص لعلاقات جديدة بشغل او بقصة معينة لكن انت من داخلك مو مرتاج ومدايق من تصرفات عيلتك والناس المحيطة الك ولازم تهدي حتى تنحل ..
♡ عاطفيا : فرصة بهاليوم عندك لتتم ارتباط او خطبة لكن بتحس انك مع الشريك متل الزيت والنار فانتبه ..
الحوت

برج الحوت

الحوت

يمكن عندك شغل ومسؤوليات جديدة خليك جاهز ..
بدي منك تتحمل المسؤولية بأي مهام جديدة ويوم بيحملك كتير واجبات متل كأنك بسباق مع الوقت مشان هيك خلص الضروري وحاول تداري صحتك كمان حتى يكون يومك منيح ويمر على أفضل حال ..
♡ عاطفيا : تطورات بالعلاقة بتخليك شوي تحس بالأهمال والوحدة وبدك حدا يسندك بهالوقت ..