حظك اليوم مع الابراج


ابراج اليوم منيب الشيخ الجمعة, 16 اب 2019 عاطفياَ ومهنياً وصحياً


الحمل

برج الحمل

يوم في شغل والمسا لقاءات وعلاقات حلوة .. جهز حالك لهاليوم لفرص شغل عندك واستغل الوضع وكون حذر من الأعداء واذا بدك شغل جديد بامكانك تلاقي هالشي ودراسيا لازمك مجهود مضاعف والمسا فعم تكون بوضع اريح وتلاقي دعم الأصدقاء .. عاطفيا .. العيون عليك حاول تعيش برومنسية لأن كتير عم تدعمك الحظوظ عاطفيا اذا كنت رايق ..
الثور

برج الثور

يوم بيدعم عندك لقاءات جديدة وموضوع شغل .. يومك منيح بعلاقات بعيدة واشخاص جدد وتطورات حلوة و عندك قدرة تغير بحياتك ومن المسا بيتسلط الضوء على انجازاتك فكون منتبه من الناس يلي بدها تضرك وشغل ناطرك وافكار مهمة .. عاطفيا .. فترة مهمة لتبلش حب جديد لتطلع من دوامة الماضي لتوقف تفكير سلبي وتعيش حب واستقرار عاطفي
الجوزاء

برج الجوزاء

يوم افضل وفي مال وحظ واجواء حلوة المسا .. بعد فترة من التعب يوم مميز عندك وداعم ومن هاليوم وخاصة مساءا رح تطلع من هي الحالة ورح تشعر بتحسن بحالتك ويكون عندك افكار حلوة لتبلش من جديد وتتواصل براحة اكبر وتحسن علاقاتك .. عاطفيا .. لاتسمح للأجواء السلبية تنهي علاقتك وانتظر الحلول وبدها شوية صبر منك والمسا انت تمام ..
السرطان

برج السرطان

عم تتحسس بالنهار لكن المسا افضل بمال وحلول .. مو كتير مرتاح وأجواء من والتوتر والمزاجية عم تتعبك كتير وعم تخليك بحالة من الانفعال حاول تفكر بأمور شراكتك المهنية وابتعد عن التشاؤم اما المسا فبتتعامل بامور مالية وبتحس براحة نسبية .. عاطفيا .. مافي شي عم يكمل معك وماعم تعرف تستقر فترة صعبة شوي حاول ما تكون ضعيف وتبالغ بزعلك ..
الاسد

برج الاسد

يوم بدو ترتيب بشغل وشراكات وامور صحية عندك .. قصص كتير ناطرتك بهاليوم وعم تحس بانك مو مرتاح وفي تعب صحي عندك حاول تهدى وتريح حالك يوم في شغل كتير خلص الضروري والمسا عندك فرصة لتتم شراكة مهنية ممكن تجيك بالفائدة .. عاطفيا .. يمكن عم تفكر بالارتباط والعلاقات الضعيفة عم تتعرض لمشاكل كتير ممكن تنهيها هي الفترة ..
العذراء

برج العذراء

يوم في بداية شغل وتطورات جديدة بس انتبه صحيا .. بكون معك الحظ والفرص من الصبح وعم تحصل على اوقات مميزة بالنهار وممكن يجيك مبلغ مادي وتحس الظروف عم تساعدك لكن انتبه المسا لان رح يتراكم الشغل عليك وتتعب صحيا وتبدا شغل جديد .. عاطفيا .. استغل نهارك لتعيش حبك وانتبهلي للمسا ولا تخلي حدا يستفزك ..
الميزان

برج الميزان

روق بقصص البيب الصبح والمسا حلول وعاطفة وحظ .. الوضع العائلي ماعم يريحك وانت مدايق ويوم عم تشغلك فيه امور بيتك وهالشي عم يوترك لكن المسا امورك افضل بكتير وتحسن عاطفي كبير واوقات حلوة ناطرتك وممكن خبر من حدا غايب .. عاطفيا .. استغل هاليوم لتحسن علاقتك بالشريك واذا اعذب جاذبيتك زايدة فاستغل سحرك
العقرب

برج العقرب

بيدعمك هاليوم بسفر وقصص عائلية المسا .. صلابتك بتخليك تنجح وتصل بالنهار ويوم فيه سفر وحركة واتصالات عندك عم تقدر توصل رايك وتكون مقنع لكن المسا بتتعرض لقصة عائلية بتشغلك وحاول تكون هادي وتحلها بهدوء وممكن عم تفكر تغير بيتك .. عاطفيا .. لاتكون متسرع بحكمك على الشريك وانتظر الوقت حتى يأكدلك مشاعرو تجاهك ..
القوس

برج القوس

يومك بدور بين المال واللقاءات والسفر .. يوم في اعادة حسابات عندك وعم يكون منيح عم ترتب امور مصروفك يلي زايد كتير لازم تخفف كرمك شوي واحتمال تحصل على مبلغ مالي ونجاح وتطور مهم ناطرك المسا والامور للافضل فلا تقلق .. عاطفيا .. حضورك وطلتك عم تكون مميزة وقادر تصل للاستقرار اذا بدك رغم كل شي..
الجدي

برج الجدي

يوم لتطورات وطاقة ومال عندك .. يوم في فرص مهمة مالية ومهنية الك وعم تعزز موقعك الاجتماعي عندك كل الطاقة لتعمل خطوات جديدة ومهمة لاتتوقف لان يوم مناسب للتغيير اخر الليل عم تحسب شو صرفت وكيف لازم تتصرف ماليا .. عاطفيا .. اعتمد على قلبك حتى تبدا رحلة حب جديدة وتعامل مع الشريك باهتمام حتى تحافظ على استقرار علاقتك ..
الدلو

برج الدلو

نهارك متعب شوي بس من المسا تمام وضعك .. ماتزعل ولاتدايق حالك بهالنهار و حاول بس تمرقلي وقتك شوي شوي وتعامل مع الظروف يلي عم تصير بصبر واجلها ومن المسا بتتحسن ظروفك وبتسمع خبر حلو وممكن يكون في تغيير واخبار حلوة ناطرتك.. عاطفيا .. انت بحاجة لدراسة اكبر لعلاقتك حتى ماتضل تعبان وقادر تنهي اي علاقة بقرار منك ..
الحوت

برج الحوت

استغل نهارك لان المسا في امور بتتعبك .. يوم بتدعمك فيه الصداقات صباحا عندك بس هالشي مابكفي لأن اي غلط عم تعملو رح ينقلب عليك من المسا كون متفهم للكل وحاول ما تفوت بقصص مهمة لأن يمكن تتعرض لموقف مزعج المسا .. عاطفيا .. بدي منك هدوء وعدم اتخاذ قرار مهم بعلاقتك لأن رح يأثر على نفسيتك فحاول تروق قدر الامكان عاطفيا ..