حظك اليوم مع الابراج


ابراج اليوم منيب الشيخ السبت, 17 اب 2019 عاطفياَ ومهنياً وصحياً


الحمل

برج الحمل

بداية شغل عندك وقصص بتوترك فانتبه .. كون مساير هاليوم ودبلماسي وحاول تكون هادي وماتصعد الخلافات رح تتعرض للانتقاد اليوم وفي ناس رح تحاول تستفزك لتأثر عليك خليك واثق من حالك ودقيق حتى ماحدا يخرب عليك شغلك وتنجح.. عاطفيا .. بين المزح والجد عم تخلق مشكلة روق وكون متفهم حتى ماتكبر الأمور ..
الثور

برج الثور

تطورات حلوة وعلاقات وسفر عندك بهاليوم .. حضورك حلو وناجح ويوم أفضل عندك وعم تفكر بسفر وتتلقى اتصالات من ناس غريبة عنك واول مرة بتحكين وكمان عم تفكر بقصص جديدة ممكن دراسة شي جديد او تتعلم مهنة عندك فرصة مناسبة لهالشي .. عاطفيا .. عم تسمع اخبار حلوة والشريك عم يعطيك ثقتو وممكن حدا يصارحك بحبو ..
الجوزاء

برج الجوزاء

مال وحل لقضية عندك وتغييرات لصالحك .. بتتحسن أوضاعك بهاليوم وبلشت ترتاح وعم تكون بحال افضل بعد ضغوط اثرت عليك بشكل كبير عم تشفى من مرض تعبك وعم تحل مشاكلك وفي فرصة مالية بس خليك منتبه من زيادة بمصروفك .. عاطفيا .. عم تفكر تعيد العلاقة مع الشريك وبدك ماتتنازل بنفس الوقت ..
السرطان

برج السرطان

شراكات جديدة عندك وضغط كبير عليك .. كتير قصص عم تخليك تتوتر وتنفعل لكن في شراكات وكمان الظروف يلي عم تأثر عليك بشكل سلبي وعم تسبب ضغط عندك حاول ماتكون قلق زيادة كل شي رح يمر بس بدي منك ماتنهي او تحسم اي شراكة .. عاطفيا .. ممكن اليوم تكون نقطة النهاية لحبك انتبه كتير لأن ماعم تتحمل الشريك ولا هو عم يتحملك ..
الاسد

برج الاسد

مسؤوليات وقصص عليك بهاليوم وصحيا في تعب .. يوم حافل بكتير أمور عندك عم تحس بأنك مو مرتاح وانو ضغط كبير عليك وحاسس بتعب وارهاق ولازم تكون جاهز وسريع لتلحق حاول تكون منتبه لصحتك واشتغل الضروري بس هاليوم حتى تثبت حالك .. عاطفيا .. ماحدا عم يقدر الشي يلي عم تعملوا واولن الشريك فحاول تكون هادي ومارح يفيد العتب ..
العذراء

برج العذراء

اخبار حلوة وتحسن بحالتك وحب عم يرجع .. بتكون بحالة نسبيا افضل وقادر تحل المشاكل وخاصة بجو البيت كتير من القصص عم تنقلب وتتغير وبتصير امورك افضل وبتحس انو رجع الحظ معك وتحسنت الامور وحلول بالشغل وفرص حلوة داعمة .. عاطفيا .. افتح قلبك اليوم لأن اجواء رومنسية ناطرتك وحب لو اعذب ..
الميزان

برج الميزان

امور عائلية بتشغلك وتوتر بجو البيت عندك .. مو كتير مرتاح بهاليوم وعم تكون امور البيت عندك مكركبة وبدك تخلص شغلك وتغير بالديكور ممكن وكمان في حدا من اهلك مو مرتاح لوضعو كل هاد عم يأثر عليك وفيك تشتغل شي بخص عقار بس انتبه صحيا .. عاطفيا .. بالرغم من كل شي حاول تكون بعيد عن العصبية حتى لو حط الشريك اللوم عليك بمشاكل العلاقة ..
العقرب

برج العقرب

يوم جيد للقاء بيدعمك وسفر قصة بتخص حدا من عيلتك .. بيدعمك اليوم بحركة وتنقلات وبتتحرر من حالة الركود يلي مريت فيها وبتحس رجعتلك طاقتك حاول تطلع وتسافر وتغير جو كمان عم تتلقى اتصالات وحاسس انك ناجح بس انتبه من حوادث السير .. عاطفيا .. قادر اليوم توصل افكارك وحبك للشريك وممكن يكون في اتصال رومنسي ..
القوس

برج القوس

أمور مالية بتشغلك وعندك مصاريف زايدة .. انتبهلي لمصروفك الزايد بهاليوم وبدك تعرف شو الك من مصاري وعم تحاول تحلها ويمكن عم تحس انو رح توقع بازمة مالية هاليوم بس بالمقابل فيك تحصل على مصاري من شغلك وتعزز وضعك العام .. عاطفيا .. ماعم تعرف شو بدك وكترة الخيارات حولك عم تخليك ضايع فانتبه من هالشي ..
الجدي

برج الجدي

تطورات مهنية ومالية وموضوع مصيري .. بتوضح الأمور قدامك بهاليوم وبكون في انفراج بوضعك لان مدعوم بالحظ والاوقات المميزة وعم تقدر ترجع شي من ثقتك بحالك ومكانتك عند الناس فلا تتردد بأي مشروع جديد او صفحة جديدة ومال عندك .. عاطفيا .. حاول تكسب ثقة الشريك من جديد وتعامل بهدوء مع الموقف لترجع وضعك العاطفي أفضل ..
الدلو

برج الدلو

ماعم تحس بالراحة مرق هاليوم وبعدك بتكون تمام .. يبدو انك ماعم ترتاح وبتشعر بمؤامرة حولك بدي منك تحاول تكون بعيد عن المشاكل او القصص الغير مدروسة لان رح ترجع عليك فانتبه ولاتجازف حتى صحتك بدها مراعاة واكيد فترة وبتمر .. عاطفيا .. يوم مخيب من جهة الشراكة وماعم يصل الحب عندك للمستوى المطلوب ..
الحوت

برج الحوت

يوم لتطلب مساعدة وتقضيه مع رفقاتك .. علاقاتك بتكون أفضل وبتنشغل بالاجواء الاجتماعية بتستقبل ناس وبتشوف ناس بس اهم شي لاتحاول تضل لحالك هاليوم واطلب مساعدة اذا احتجتا من صديق وعزز علاقاتك الاجتماعية مع محيطك .. عاطفيا .. لاتسمح للأجواء المشحونة تفوتك اي علاقة وبدون تفكير هالشي ممكن يأذيك لقدام ..