حظك اليوم مع الابراج


ابراج اليوم منيب الشيخ الخميس, 17 تشرين الاول 2019 عاطفياَ ومهنياً وصحياً


الحمل

برج الحمل

الحمل

يومك منيح لتسافر وتتواصل بشكل أفضل ..
عم تكون أفضل وانت مقنع بكل شي ويومك عم يكون حافل بالنشاطات عم تلتقي كتير عالم وفي اتصالات مهمة بتساعدك وكمان بكون عندك قدرة على انو تقنع الناس المحيطة الك وبتلاقي في حلول لمشاكلك ..
عاطفيا : منيح اليوم لتحل مشكلة مع الشريك او ليكون في لقاء عاطفي ..
الثور

برج الثور

الثور

عم تصرف كتير وعندك قصص مالية ..
بهاليوم خليك اقتصادي لأن الامور عندك عم تدور ضمن نطاق المال وبكون في كتير قصص عم تفكر فيها او مشاريع لكن عم تحس بركود عندك وملل كبير هالشي مؤقت المهم انت هدي وانتبه لمصروفك ..
عاطفيا : الوضع العاطفي بحاجة لاهتمام اكبر من الشريك الك ..
الجوزاء

برج الجوزاء

الجوزاء

يوم افضل بتستعيد فيه طاقتك ومكانتك ..
عم ترجع مكانتك وأنت أفضل بكتير وبترتاح نسبيا بين الناس بهاليوم وتقدر تقلب الامور لصالحك وتلاقي حلول لمشكلة وبتحس انو ارتحت من كتير امور شغلت بالك قبل فكر ببدايات جديدة وغير بوضعك ..
عاطفيا : الأمور العاطفية عندك بتتحسن بشكل كبير وبصير عندك فرص عاطفية جديدة وخطبة كمان..
السرطان

برج السرطان

السرطان

بدي منك تروق هاليوم وتاجل المهم ..
عم يكون يوم مربك عندك بدي منك تحاول تهدي وماتعمل شي مهم لان عم يكون في عندك تأجيل وعدم رضا عن الوضع بشكل عام تعامل بحذر وماتعطي ثقتك لحدا بهاليوم وحاول تساير شوي وتبعد عن المستفزين ..
عاطفيا : وضعك العاطفي ماكتير عم يريحك ويمكن عم يكون في كذب بالتعامل معك ..
الاسد

برج الاسد

الأسد

منيح يومك بحضور ولقاءات حلوة ..
حاول تستغل علاقاتك لأن عم تكون مميز بطلتك وبهاليوم عندك علاقات جديدة اجتماعيا مع اصدقاء اكتر ويمكن تنعزم عند شخص غالي وانت عم تتلقى دعم من الناس المحيطة الك لتصل لشي عم تفكر فيه مهنيا..
عاطفيا : الامور عندك منيحة وخاصة على صعيد نظرات الاعجاب من المحيطين فيك ..
العذراء

برج العذراء

العذراء

يوم في قصص مصيرية وتطورات مهمة ..
عندك تطورات مصيرية ويومهم وفي كتير اشخاص عم يراقبوا كل شي عم تعملوا فكون منتبه ولاتغلط بهاليوم خاصة بالشغل لان في ناس ناطرينك على غلطة وحاول تعزز وضعك المهني بهدوء ..
عاطفيا : انتبه من تأثير وضعك العام على علاقتك حتى يمكن عندك قرار مصيري بهاليوم ..
الميزان

برج الميزان

الميزان

عم يكون يوم مناسب لسفر واتصالات حلوة ..
انت أفضل وعم ترتاح وعندك يوم من الايام المميزة عم تتحسن أمورك بعد ايام صعبة مرت وعم تكون قادر تحل مشاكل شغلتك الفترة الماضية وكمان تطور بشغلك وتتعرف على ناس جديدة بحياتك المهنية ..
عاطفيا : عم تشوف اشخاص جدد بهاليوم وعم يكون في فرص لحب او نظرات اعجاب ..
العقرب

برج العقرب

العقرب

ناطرك تحسن مالي وامور مهنية أفضل ..
يومك أريح بتتحسن أوضاعك وعم يكون هاليوم عندك في تطورات حلوة بعد ايام من الضغط والتوتر وفي عندك فرص لتحصل على مال من شراكة او ميراث وحتى يوم مناسب لحلول قضائية وبداية شغل ..
عاطفيا : حاول تهدي الوضع مع الشريك وعاطفتك زايدة وفرصة ليوم حلو رومنسي ..
القوس

برج القوس

القوس

ماكتير مرتاح بهاليوم انتبه من المحيطين فيك ..
يوم بحاجة هدوء بدي منك تنتبه بمواجهاتك لأنك بيوم عم يزيد فيه توترك ممكن اي كلمة تعمل عندك مشكلة وحساسيتك عالية مشان هيك هدي ولاتنفعل وحاول تعزز شراكاتك او تبدا شغل مع شخص جديد ..
عاطفيا : الأجواء العاطفية عم تكون مشحونة مشان هيك هدي وساير شوي ليمر هاليوم على خير ..
الجدي

برج الجدي

الجدي

يمكن بكرا ماترتاح بنومتك لان عندك كتير قصص ..
انتبه بهاليوم يمكن تبدا شغل جديد عندك وبداية مسؤوليات على عاتقك مشان هيك مابدي منك كسل وخلص كل شي بوقتو وخاصة الأمور الضرورية وحاول اذا قدرت ترتاح وتنتبه من وعكة صحية ..
عاطفيا : انت بوضع منيح عاطفيا رغم احساسك بالوحدة والاهمال عندك او عند البعض
الدلو

برج الدلو

الدلو

تطورات مهنية وعاطفية حلوة بهاليوم ..
صح وضعك صعب بعدو بس عم يكون يوم مميز عندك في فرص مهمة ممكن تجيك لتطور حالك والاوضاع داعمة بالحظ وقدرتك على التواصل عالية وبتلاقي حالك عم ترتاح من مشاكل كانت قبل وخاصة عائليا ..
عاطفيا : الوضع العاطفي بيشهد تحسن كبير وحتى فرصة لتتقرب من حبيب قديم ..
الحوت

برج الحوت

الحوت

وضعك في كركبة بالبيت وماعم ترتاح ..
انت بهاليوم مو رايق ومن الأيام يلي بتشغلك فيها أمور بالبيت عندك وممكن بتخص أحد الأهل وحتى بكون في تغييرات عندك على صعيد مكان شغلك وبالمجمل بوم بدو رواق وفي عندك قعدة عائلية لحلول ..
عاطفيا : عم يكون في تضارب بوضعك العاطفي وماعم تعرف تستقر بهاليوم ..