حظك اليوم مع الابراج


ابراج اليوم منيب الشيخ الثلاثاء, 20 اب 2019 عاطفياَ ومهنياً وصحياً


الحمل

برج الحمل

يوم لتحسن كبير علاقات جديدة وسفر .. عم ترتاح بهاليوم وخاصة بعد ضغوط هائلة مريت فيها ويوم فيه فرص لسفر بعيد او حتى لقاء مع ناس غرباء عنك كمان بتتلقى اتصال من شخص وبيسعدك هالشي وفرصة لتبدا دراسة جديدة او قصة بتغير فيها روتين حياتك للافضل وانتبه اثناء السفر اكد كل شي .. عاطفيا : الاجواء داعمة بهاليوم الك مشان هيك قرب وجهات النظر مع الشريك وعيشو يوم حلو رومنسيا ..
الثور

برج الثور

يوم في ارتياح مال وحلول عندك .. عم تستعيد شوي من الراحة وبتحس بانخفاض الضغط وعم يكون يومك أفضل بعد ايام صعبة وعصيبة مريت فيها وعم ترتاح نسبيا وعندك فرصة لتحصل على مال من شراكة او ميراث او من شخص وكمان في حلول قضائية واستشفائية عندك .. عاطفيا : بهاليوم بتزيد عاطفتك بشكل كبير مشان هيك انتبه من تطورات مع الشريك ..
الجوزاء

برج الجوزاء

هدي وخليك دبلماسي وفرص شراكة عندك.. بعدلي عن المواجهات بهاليوم مع البعض لأن في بهاليوم كتير من الضغوطات بمجال التعامل مع الناس المحيطة الك وعم تنفعل بسرعة فحاول تهدي لأن الاعداء كتار وتأكد انو فترة وبتمر وفيك تعمل شراكة مع شخص بترتاح بالتعامل معو وتنجح فيها .. عاطفيا : الاجواء مع الشريك ابدا ماعم تريحك وعم تفكر تنهي كل شي وللبعض ارتباط ..
السرطان

برج السرطان

اثبت حالك بشغلك ولاتتأخر وقصة صحية بتشغلك .. خليك ذكي ونظم شغلك ووقتك كمان بدي تهدي حالك وبدي منك اليوم تنتبه من بداية النهار عندك على شغلك وتخلص الضروري وتنظم أمورك وكمان حاول ماتهمل أكلك حتى تحافظ على صحتك ونشاطك وابتعد عن المخاطرة صحيا باي شي .. عاطفيا : امورك العاطفية عم تمر بفترة مهمة بدك تحاول تلاقي شخص يكون بيستاهلك ..
الاسد

برج الاسد

الحظ بيدعمك والعاطفة بتفرح قلبك .. انت عم تكون أفضل بكتير وأنت أريح عائليا وعم يكون يوم مميز الك ويمكن تحصل فيه على اوقات ممتعة وخاصة اذا ناطر طفل فهو وقت مناسب لهالشي كمان عندك فرص لتغيير بحياتك بفرصة بتسعدك وبتكون داعمة الحظوظ .. عاطفيا : استغل هاليوم لتعيش احلى الاوقات الرومنسية مع الشريك او برجعة حب قديم ..
العذراء

برج العذراء

تطورات بالبيت بتشغل بالك وصحيا انتبه .. يوم في تغيير وببالك قصة بتخص بيع او شراء عقار وانت ضايج شوي هاليوم وعم تفكر تغير مكان سكنك وفي تغييرات كمان بشغلك بهاليوم بدي منك تستوعب عيلتك وتدير بالك على اهلك وتكون منتبه لصحتك وكل شي بصير افضل قريبا .. عاطفيا : كتير من التقلبات بعلاقتك مع الشريك بس مع هيك عم تكون ملفت للانظار ..
الميزان

برج الميزان

عم تتواصل تسافر وتقنع بحضورك هاليوم .. بيدعم تحركاتك هاليوم وعندك لقاءات واوقات حلوة وقادر تنجح وتوصل رأيك بأي موضوع بسهولة وكمان بتنشغل بقصة بتخص احد الأخوة ويمكن تسافر لكن انتبهلي كتير من حوادث السير ومن قصص بتخص موبايلك .. عاطفيا : الاجواء داعمة للقاء رومنسي ومشوار حلو مع الشريك اذا بدك ..
العقرب

برج العقرب

وضع مالي بيشغلك حاول تحلو وفرص شغل .. رتب امورك المالية وعم يكون مصروفك زايد وعم تفكر بالشغل وعم يدور يومك ضمن نطاق الاوضاع المالية عندك يمكن عم تحتاج بس كمان هاليوم غالبا رح تحصل على مال وتحسن وضعك المادي وكمان في فرصة لموراد مالية جديدة عندك .. عاطفيا : عم تحس باهمال الشريك وماعم تكون راضي عن وضع علاقتك معو ..
القوس

برج القوس

منيح يومك وعم تستعيد طاقتك ومكانتك .. حاول تعزز مكانتك بهيك يوم وتنجح وعندد حظ أفضل طاقة و بداية جديدة بحياتك حاول تترك الماضي للنسيان وفكر ببكرا يمكن تحصل امور هاليوم تغير قناعاتك وتحسن وضعكوبشكل كبير وحاول تستغل طاقتك لتفتح صفحة جديدة .. عاطفيا : حياتك العاطفية بحاجة قرار حاسم منك حتى ترتاح وتختار المناسب الك ..
الجدي

برج الجدي

عم تدايق من تأجيل وحكي الناس فهدي هاليوم عم تنزعج من تصرفات البعض وبتحس حالك مو مرتاح وعتبان وحاسس بكتير عرقلة بامورك والوضع صار لايحتمل في قصة عندك ماعم تمشي وضايج كتير من هالوضع حاول تهدي حالك وقول يارب وانشالله فترة وبتمر وبترجع امورك بتتحسن قريبا .. عاطفيا : بدي منك ماتعطي اهمية لاي كلام بتسمعو واترك الناس بعيدة عن مجال تفكيرك وركز بحل لمشاكل علاقتك ..
الدلو

برج الدلو

يوم للقاءات حلوة مساعدة صديق وعزايم .. اجتماعيا امت طاغي بحضورك هاليوم وطلتك غير شكل و انت مميز بطاقتك ويومك عم يكون حافل بكتير من الناس والأصدقاء والعلاقات الاجتماعية حاول تعززها ولاتبقى لحالك وكمان بتحصل هاليوم على فرصة حلوة بمساعدة صديق الك .. عاطفيا : تعرضت لكتير من المشاكل مع الشريك بسبب الناس هدي هاليوم وفكر بايجابية ..
الحوت

برج الحوت

وضع مهمني شاغلك وفي ناس عم تحاول توقعك .. حاول تعرف كيف تتصرف لان في نواية سيئة تجاهك وانتبه لأن عم يكون يوم من الايام المصيرية عندك من ناحية الشغل والتغييرات الممكن تحصل عندك او علاقتك بالمسؤولين عنك يلي ممكن تخرب بكلمة وتصير احسن بكلمة فحاول تكون مساير ودبلماسي .. عاطفيا : انت عم تعيش تراجع بعلاقتك بس الامور بتنحل اذا كنت ذكي بالتعامل ..