برج السرطان اليوم مع منيب الشيخ


ابراج اليوم منيب الشيخ الخميس, 5 كانون الاول 2019 عاطفياَ ومهنياً وصحياً

السرطان

عندك اموى مالية فحاول تنتبه لشغلك ..
بهاليوم مو عبعضك بتحس بالخمول وبتفكر بالأمور المالية يمكن تحصل على المال بس انتبه لنفقاتك كمان لاتهمل شغلك وحاول تعمل شي جديد يعزز من وضعك المهني وخاصة بمجال الشراكة ..
عاطفيا .. دور على الاستقرار بعلاقاتك لأنك بحاجة لهالشي بعيد عن العلاقات السطحية ..

تراجع الزهرة بالعقرب : ادرس علاقاتك الجديدة بشكل جيد وابتعد عن العلاقات السطحية ولاتعطي فرصة لحب قديم يرجع اذا ماكان منيح معك ..

ابراج اليوم منيب الشيخ الاربعاء, 4 كانون الاول 2019 عاطفياَ ومهنياً وصحياً

السرطان

تنقلات وسفر وتطورات ايجابية عندك ..
فرص عندك للتنقل والمشاوير لكن انتبه عالطرقات من الحوادث واستغل الحظ يلي بيدعمك وادفع بمصالحك فرص حلوة بتجيك بمجال الاتصالات والانترنت عندك القدرة تغير بس انتبه لموبايلك ..
عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..

ابراج اليوم منيب الشيخ الثلاثاء, 3 كانون الاول 2019 عاطفياَ ومهنياً وصحياً

السرطان

عم تتحرك وتسافر وتطورات حلوة ..
بتحل مشكلة وقادر تقنع بهاليوم وفرصة لتتحرك لتسافر لتتلقى اتصالات كتير وتكون مميز بحضورك ودراسيا يوم مميز فلاتتردد وحاول تطور عملك وتنجح اذا بدك بدعم الناس يلي حوليك ..
عاطفيا .. لاتكبر المشاكل واليوم لتحكي الشريك وتصل لحلول مرضية الك ..

ابراج اليوم منيب الشيخ الاثنين, 2 كانون الاول 2019 عاطفياَ ومهنياً وصحياً

السرطان

تغيير سكن وشغل وقصص عائلية عندك ..
عندك قصص بالبيت ويمكن مسؤولية عيلتك تاعبتك وممكن كتير تكون عم تفكر تغير مكان سكنك او حتى مكان شغلك بهاليوم خليك رايق وتعامل بحكمة واعتني بأهلك لان صحة حدا منن شاغلتك وصحتك ..
عاطفيا .. في احساس جواتك انو رح تسمع خبر عاطفي ومن حب قديم ممكن انتظر هاد الشي وافتح قلبك وافصل بين حبك وعيلتك ..

ابراج اليوم منيب الشيخ الاحد, 1 كانون الاول 2019 عاطفياَ ومهنياً وصحياً

السرطان

يوم لتغييرات مهنية وبالبيت كمان ..
يومك بيشهد تغييرات ومو مرتاح وعم تحس في مشكلة بتخص البيت او عيلتك وكأنو كل شي عم يدايقك حاول تهدى وماتكون استفزازي وعنيد بتعاملك معن حتى ماتكبرها وداري وضع الأهل قدر الأمكان ..
عاطفيا .. استغل سحرك لتصل بدون من تنفعل بوجه الشريك وتوجهلو انتقادات ..

ابراج اليوم منيب الشيخ السبت, 30 تشرين الثاني 2019 عاطفياَ ومهنياً وصحياً

السرطان

منيح يومك بحظوظ ولتتحسن العاطفة ..
يومك ايجابي وحظوظ ناطرتك استفيد من هاليوم ومن الفترات الحلوة كتير والحظوظ داعمة وبقوة عم تفكر بانك تتقرب من ناس غاليين عندك لاتتردد ولطف الاجواء واستغل هاليوم وعزز وضعك ..
عاطفيا .. امورك تمام عم تسحر بحضورك اليوم بس في قلق جواتك وضغط مخبى ..

ابراج اليوم منيب الشيخ الجمعة, 29 تشرين الثاني 2019 عاطفياَ ومهنياً وصحياً

السرطان

يوم حلو بالعاطفة والحظ والفرص ..
بتتحسن اوضاعك العائلية وعندك يوم أفضل بيحملك اوقات حلوة وبتشعر انو نفسيتك صارت اهدى وفي شي منيح عم يصير وتحسن مهني تفاعل مع محيطك بايجابية ولاتخاف الحظ معك ..
عاطفيا .. من افضل الايام للعاطفة والحب فبادر وخلي ثقتك بحالك كبيرة لكن انتبه من سوء تفاهم ..

ابراج اليوم منيب الشيخ الخميس, 28 تشرين الثاني 2019 عاطفياَ ومهنياً وصحياً

السرطان

يوم بيبدا بتحسن كبير والمسا شغل كتير وامور صحية ..
عندك اوقات حلوة وبعد الضهر عم تحس انك مرهق والشغل كتير عليك وماعم تلحق وهالشي عم يتركك بحالة من التعب لكن انت امام تطورات ايجابية اذا ما اهملت شغلك وكمان انتبهلي لصحتك وشغل جديد ناطر ..
عاطفيا .. بدي منك تطمن ولاتقلق مشان العلاقة لكن لازم تقدمو تنازلات انت والشريك حتى يكون في حلول ..

ابراج اليوم منيب الشيخ الاربعاء, 27 تشرين الثاني 2019 عاطفياَ ومهنياً وصحياً

السرطان

شغل كتير وقصص صحية ناطرتك ..
عم تدخل يوم متعب نسبيا جسديا ونفسيا عم تشعر انو في شغل كتير وتراكم لازم ماتتأخر بالشغل الضروري وتنتبه كمان لصحتك قدر الامكان وتكون جاهز لاي مسؤوليات جديدة وبدون انفعال الله رضا عليك ..
عاطفيا .. لما تفوت علاقات كتير ومايزبط معك شي مو يعني مالك حظ لا بس يمكن فرصتك ما اجت بعد ..

ابراج اليوم منيب الشيخ الثلاثاء, 26 تشرين الثاني 2019 عاطفياَ ومهنياً وصحياً

السرطان

حاول ترتب كل شي وتنتبه صحيا ولاتنفعل ..
روق وخليك منظم و لاتهمل صحتك كمان ولاتدخل بخناقة مع حدا نظم وقتك لتلحق شغلك بكير كون قد المسؤولية حتى ماتسمع كلمة وانتبه من المواجهات مساءا وحافظ على علاقاتك بكرا ..
عاطفيا .. الوقت عم يبعدك عن الحبيب هالفترة وانت مو مرتاح لاتكون حساس واترك الامور للأيام ..